والله عادي لو تخون......

والله عادي لو تخون .!

بس قلي انت وينك

انت وينك

انت وينك .!؟

مابقى فيني مكان الاّ سألني عنك

وينك.!؟

ادوّر لك من

البارح واناديلك

حبيبي ..

ولا سمعت الاّ صدى غيابك !

وجيت اسأل

وميض عيون قنديلك

غيابك ليه ..!؟

يعني هانوا احبابك .!؟

بـ سامح بس

قلي كيف اعديلك .!؟

.خطاك اللي مورّدني على اعتابك .!

وأبسقيك

السحاب البكر واهديلك

كلامٍ مات بـ شفاهي على بابك .!؟

مفارق بس

لا غرقت مناديلك ..

.تلاقيني مع جرحي على اهدابك.!

بذمتك ماهو حرام

كل يوم اتريّق غيابك واروح

وكل صبح اتنفّسه من غير روح

وكل غصن يطيّر اشواقي جروح

بين (ظْ)ــلْ.!؟

وبين (ظَ)ــلّ.!؟

(ظْ)ــلْ.!؟ زولٍ ما يبين الاّ على وجه التراب

و

(ظَ)ــلّ..!؟ دربٍ كل ما امشي سكته يصرخ غياآآآآاب

وضعت من بيني وبينك

لين دثرني الهيام

بين اكون ،، او ما اكون

والله عادي لوتخون

بس قلي انت وينك .!؟




محمد ابن ساقان
.