خاطرة أبكت الشارع السعودي

لا أعلم حقيقة لمن هي
ولكنها خاطرة جديرة بأن أنقلها لكم...

الطفوله
أحلى مافي هالحياة
مرحله من غير هم
كنـّا دايم نبتسم
كنـّا حتى لو بكينا ... وجارت الدنيا علينا
بعد لحظـات وثواني
بسمه فينا ترتســم
..
كنـّا نركض
خلف كوره ... ( لا لا أنا ماكنت معهم !! )
وحدي بس بعيد عنهم ... كنت أنا أضحك عليهم
جالس لحالي أهذري ... جالس أحسب كم ( كوبري )
صلـّحه ( أحمد ) في ( ماجد ) ؟؟
والله واجد!! ...
وقبل ما يحل الظلام
للبيوت نروح نجري ... ( لا لا أنا ماكنت معهم ! )
أمشي وحدي بعيد عنهم ... أمشي وأعدد أثرهم !
وهم عني يبعدون
يبعدون ... يبعدون
إلا ( ماجد ) !!
كان مثلي حيل ضايق
بس حزنـي كــان حارق
كان يسألني ببراءه :.
ليش تعرج ؟ ... قلت مادري ! ... باستياء
ليش تبكي ؟ قلت مابكي ... بكبرياء
ضاق مني .
ثم سألني في غباء ..
قال ( وثرايك تـثــابق )؟؟
وراح عنــّــي ... !.
كنت أسأل دوم نفسي .
ليش ما أركض معاهم ؟!!
ليش دوم أمشي وراهم ؟!!
وش بلاي ؟!! ... أو وش بلاهم ؟!!
ليه أنا غير الأنام ؟!!
زاحمتني الأسئله...
كل شيٍ أجهله ؟
وإن تعبت من الإجـــابه..
أحظن الحيـــره وأنام ..
مرّت سنين وكبرت ...
صار همّي اليوم أكبر
حتى دمعي صار أكثر
للأسف توي قدرت .
أفهم إني شخص ( عاجز ) !!
يعني بيني وبينكم
مليون حاجـــز !!!
صدقوني ذي حقيقه ...
لا طلعت السوق ... كل ما أمشي دقيقه
القى كل شوي أبله !!
يمشي ويناظر صديقه ..
ويغمز له
يقول : ناظر ...!!
وش يناظر ؟!!
وتتفجّــر في خفوقي
ألف ضيقه ووحده في وسط الزحام .
طالعتني باهتمام .
بنت في عمر الزهور ... أي رشاقه ... وأي أناقه .
وأي عطـــور !!
قلت في نفسي ياهوووه
هي تناظرني بغرام ؟!! ... أو هي نظره والسلام ؟!!
بس أكيد إنها تعرفني ... شايفتني ؟
شايفتني في جريده ؟
واعجبتها لي قصيده ؟
إيييييه أنا توي افتكرت .
لي قصيده .
كنت ناشر معها صوره
بس صوره ... ياسلاااا م
وفاجأتني .
لمـّا صارت لي قريبه ... كانت تـمـتم بطيبه
{ يكسر الخاطــر حـــرااااام ) !!!
وتركت دمعه غريبة ...
وضاعت بوسط الزحــام
دمعه كانت تحكي وضعي ... زلزلتني
ارتطم قلبي بضلعي ... دمرتني
صدقوني .
أصعب اللحظــات وأقسى
لاغدا الرجـّــــال يكسر ... خاطر انثى
كيف ينسى ؟؟
جاوبوني !!.
وزاد همّــي .
يوم فكــّـرت بوظيفه ... ثم زواج
أي وظيفه ... وأي زواج ؟؟
اللــي مثـلي .
مهما طالب ... لويلف ولو يدور
زين لو حطـــّــوه كــاتب
لا ... وعلى بنــد الأجـــــــور .
ماهو رسمي !!!
....
صدقوني لو تدرّج ... وصار راتبه ايتصاعد
وابتــدا وضعه يزين
ما أظنه بيتزوّج ... حتى لو بعد التقاعد !!..
وفي النهــايه .
يابلــدنا... مهما كانت ( تسميتـنا )
عاجزين ... ( معوّقين )
لك عهدنا ... وذا قسمنا :
أقسم بالله العظيم ... منزل الذكر الحكيم
أن أصونــك يابلادي ... من شرور العابثين
من مطامع كل حاسد ... من نوايا كل فاســد
وإني لك حصنٍ حصين
إنتي ناديني وشوفي ... لا نويتي بالجهــاد
والله أقهر لك ظروفي ... دامك إنتي لي بــــلاد
وباسم كل العاجزين .
دام فينا أصبع يطول الزنـــاد
لا يهمــّـك يابلادي .

منقوووووووووووووول

الللللللللللللللللللللللللله يا wAnTeD روووووووووعة

وش هاالأبداع وربي مبدعة كلماتك أثرت فيني صراحة

الله يوفقك ويسدد خطاك

تقبلي مروري....!!!

...

لحظة لحظة يا روح الدلع ..

أول تسلمي على ردك الرائع ..

ترى أنا ما أحب الخواطر أبد ..
وحتى ما قد عمري رديت ولا على خاطرة

لكن هذي لفتت انتباهي وأثرت فيني

وقلت لازم أنزلها

يعني مو أنا اللي كاتبتها

لكن أسعدني مرورك والللللللللله

..

أنا دارية أنه مو إنتي إللي كاتبتها بس

أنا أقصد أبدعتي في النقل بس ماو صلتها بالطريقة الصح

وأنا آآآسفه إذا ماعرفت أوصلك ردي وحقيقته...

يالله ولا تزعلي أبدعتي في النقل يــــــــــــــاأحلى وونتيد

.....لك تحياتي....

لااااااااااا وليش ازعل ..

بالعكس

والله اسعدني ردك مرة

لكن قلت للأمانة اقولها اني مو انا اللي كاتبتها

مشكورة على المرور يا أحلى عضو مميز

مبروك اللقب

..

مشكوووورة وونتيد

وفقتي في النقل

مره روووعه الكلمات وفعلا" وربي مؤثرة...

تقبلي مروري...

مشكورة المزيونة على مرورك ..

..

نورتي

هههههههههههه الله يبارك فيك وونتيد

إن شاء الله أكون قادرة على حمل هذا اللقب و أشكر المديرة توت الجبل على ثقتها وماأخيب ظنها ان شاء الله

يعطيك العافيه وأنتي كمان وربي تستاهلين المشرفة المميزة لأانك بدون مجامله مبدعة ماشاء الله عليك

ألف مبروك عليك ومن تميز لتميز بإذن الله

يااااااااااااااااااااااااااااااااااي

يا حياتي انتي

Laughing

احرجتيني

قلبنا الموضوع ذا سواليف

scratch

والله ما أدري وش اقولك scratch

بس الله الله في المواضيع عشان محد ياخذ منك اللقب

خلينا نتمسك في لوحة الشرف بأيادينا وأسنانا
pirat

خخخخخ

دمتي بصحة وعافية وود

...